Nurmi i rasteve të reja me infektime Covid19 sa po vjen e shtohet në Europën Perëndimore, duke shkaktuar panik te qytetarët dhe qeveritë e disa vendeve që kanë marrë masa konkrete. Pas mbylljes së Parisit, tash edhe Hollanda ka vendosur që të mbyllen kafeteritë dhe restorantet për shkak të numrit të lartë të infektimeve, informon foldrejt.com. Shitja e alkoolit do të ndalohet pas orës 20:00
Kryeministri Mark Rutte ka njoftuar të martën në Hagë për një “bllokim të pjesshëm”. Për më tepër, qytetarëve u lejohet të marrin jo më shumë se tre mysafirë në ditë në apartamentet e tyre dhe po ashtu duhet të përdorin vetëm autobusët dhe trenat vetëm në raste urgjente. Kryeministri Rutte gjithashtu bërë të ditur vendimin për detyrim të përgjithshëm të mbajtjes së maskave në të gjitha hapësirat publike si dyqanet, muzetë apo bibliotekat. Deri më sot, ky ishte vetëm një rekomandim urgjent.
“Tani varet nga të gjithë ne” është shprehur kryeministri në konferencën për shtyp të transmetuar drejtpërdrejt në TV. “Bëhuni realist dhe merrni përgjegjësi”.
Vatrat më të këqija të virusit janë Amsterdami dhe Roterdami, secili me rreth 410 infeksione për 100,000 banorë. Situata është “alarmante” në pothuajse të gjitha rajonet, ka thënë më tutje Rutte, duke kujtuar se nga fillimi i pandemisë janë raportuar 6631 vdekje dhe rreth 190 mijë infeksione./Foldrjet.com
