Instituti Demokratik i Kosovës (KDI), ka ngrehur shqetësimin rreth nivelit të pandëshkueshmërisë së korrupsionit në vend, shkruan Fol Drejt.
Nëpërmjet një reagimi, KDI ka thënë se sundimi i ligjit në Kosovë po vijon të minohet nga korrupsioni “i cili është përhapur në të gjitha sferat.”
Ajo iu ka referuar disa rasteve konkrete, duke e ilustruar konkretisht se si është duke u manifestuar kjo pandëshkueshmëri.
Ky është reagimi i plotë:
𝐊𝐃𝐈: 𝐒𝐇𝐐𝐄𝐓𝐄̈𝐒𝐈𝐌 𝐒𝐄𝐑𝐈𝐎𝐙 𝐏𝐀𝐑𝐀𝐒𝐇𝐊𝐑𝐈𝐌𝐈 𝐃𝐇𝐄 𝐏𝐀𝐍𝐃𝐄̈𝐒𝐇𝐊𝐔𝐄𝐒𝐇𝐌𝐄̈𝐑𝐈𝐀 𝐄 𝐊𝐎𝐑𝐑𝐔𝐏𝐒𝐈𝐎𝐍𝐈𝐓
Sundimi i ligjit në Kosovë vazhdon të minohet nga korrupsioni, që është i përhapur në të gjitha sferat. Shqetësim serioz mbetet mosefikasiteti i institucioneve të drejtësisë në ndjekjen, gjykimin dhe dënimin e kryerësve të veprave të korrupsionit, në veçanti atyre të nivelit të lartë.
Gjatë javëve të fundit, gjykatat kanë liruar apo kthyer në rigjykim tri raste të korrupsionit, ndërsa për disa raste të korrupsionit të nivelit të lartë kanë munguar aktgjykimet dënuese. Edhe më rëndues mbetet fenomeni i 𝐩𝐚𝐫𝐚𝐬𝐡𝐤𝐫𝐢𝐦𝐢𝐭 𝐭𝐞̈ 𝐫𝐚𝐬𝐭𝐞𝐯𝐞 𝐭𝐞̈ 𝐤𝐨𝐫𝐫𝐮𝐩𝐬𝐢𝐨𝐧𝐢𝐭 – pa një epilog gjyqësor, për shkak të zvarritjeve dhe mosadministrimit adekuat të procedurave gjyqësore. Vetëm gjatë vitit 2022 janë parashkruar dhjetëra raste të korrupsionit, ndërsa sivjet dhe viteve ne vijim, për shkak të zvarritjeve, mund të parashkruhen edhe shumë të tjera.
Ndër arsyet kryesore që po i kontribuojnë parashkrimit të rasteve të korrupsionit është 𝐦𝐮𝐧𝐠𝐞𝐬𝐚 𝐞 𝐦𝐞𝐤𝐚𝐧𝐢𝐳𝐦𝐚𝐯𝐞 𝐞𝐟𝐞𝐤𝐭𝐢𝐯 𝐭𝐞̈ 𝐤𝐨𝐧𝐭𝐫𝐨𝐥𝐥𝐢𝐭 𝐝𝐡𝐞 𝐥𝐥𝐨𝐠𝐚𝐫𝐢𝐝𝐡𝐞̈𝐧𝐢𝐞𝐬 𝐩𝐞̈𝐫 𝐠𝐣𝐲𝐪𝐭𝐚𝐫𝐞̈𝐭 𝐝𝐡𝐞 𝐩𝐫𝐨𝐤𝐮𝐫𝐨𝐫𝐞̈𝐭 nga KPK dhe KGJK. Paradoksalisht, vlerësimet vjetore të performancës së këtyre të fundit nuk i reflektojnë zvarritjet apo dështimet në ndjekjen dhe gjykimin e rasteve të korrupsionit. Numri i prokurorëve dhe gjyqtarëve që janë subjekt i masave disiplinore për mosperformancë është minimal, e madje disa prej tyre edhe janë avancuar.
Një 𝐤𝐮𝐥𝐭𝐮𝐫𝐞̈ 𝐞 𝐭𝐢𝐥𝐥𝐞̈ 𝐞 𝐩𝐚𝐧𝐝𝐞̈𝐬𝐡𝐤𝐮𝐞𝐬𝐡𝐦𝐞̈𝐫𝐢𝐬𝐞̈ ndaj kryerësve së veprave të korrupsionit, por edhe mosefikasiteti i ndjekjes së tyre, janë të papranueshme dhe të rrezikshme për demokracinë dhe sundimin e ligjit.
Për të luftuar korrupsionin, posaçërisht atë në nivelin e lartë, #𝐊𝐃𝐈 vlerëson se është kruciale që institucionet e drejtësisë të kenë në fokus:
➡️ Përmirësimin e cilësisë se aktakuzave, veçanërisht në kuptim të provave të përfshira;
➡️ Prioritizimin e trajtimit dhe përmbylljen e rasteve të korrupsionit brenda afateve ligjore;
➡️ Zbatimin e politikave të ashpra ndëshkimore ndaj kryerësve të veprave të korrupsionit;
➡️ Shqiptimin e dënimeve plotësuese nga gjykatat për personat e dënuar për korrupsion.
