Sporti i xhudos po ngre lartë flamurin e Kosovës thuajse në të gjitha shtetet që nuk njohin pavarësinë e Kosovës. Kështu kishte ndodhur më parë në Rusi, Uzbekistan, Brazil ndërsa sot ndodhi edhe në Tel Aviv të Izraelit, shkruan foldrejt.com.
I mjaftuan vetëm 35 sekonda mbretëreshës së xhudos Majlinda Kelmendi për të mposhtur kundërshtaren izraelite Gili Cohen.
Kampionia Olimpike e Rio 2016 dhe ish-kampionia e botës, Majlinda Kelmendi u kthye në garat ndërkombëtare në fund të vitit 2018 me një medalje të argjendtë në Grand Slam Abu Dhabi dhe medalje ari në Grand Prix Tashkent.
Ajo ka nisur mirë edhe garat e vitit 2019, pasi është stolisur me medalje në Grand Prixin e Tel Avivit./Foldrejt.com
