Pesë punëtorë të rinj hoteli vdiqën pasi një litar çeliku u këput në një ashensor në një vendpushim popullor në Bali. Dy burra dhe tre gra ishin midis 19 dhe 24 vjeç.
Familjet e tyre morën pak më shumë se 4000 dollarë kompensim, me kusht që të mos nisin procedurat ligjore kundër resortit, shkruan Daily Mail, përcjell Fol Drejt.
Xhaxhai i njërës prej viktimave ka thënë për mediat vendase se i ka pranuar ato kushte. “Edhe nëse i padisim, nuk do të na i kthejë fëmijët. Por unë besoj në karma. Nëse kompania bën një gabim, karma do t’i arrijë ato”.
Dy persona kanë ndërruar jetë menjëherë në vendngjarje, ndërsa tre janë transportuar në spital, ku kanë gjetur vdekjen menjëherë pas aksidentit.
Ashensori lëviz në shina dhe transporton turistët dhe punëtorët midis pjesëve të sipërme të hotelit lart në kreshtë dhe objekteve të resortit të vendosura në katin e parë.
Policia po heton se si ka ndodhur aksidenti dhe pse është thyer litari dhe nëse ashensori është mirëmbajtur si duhet, si dhe nëse nuk ka pasur masa rezervë në rast se litari prishet.
Të gjithë mysafirët në resort janë zhvendosur në pritje të një hetimi./FolDrejt/
