Ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike ka publikuar identitetin e dy punëtorëve që humbën sot jetën tragjikisht në minierën e Artanës.
Sipas njoftimit të lëshuar për media, viktimat janë Idriz Gërbeshi dhe Haki Arifaj, shkruan lajmi.net.
Idriz Gerbeshi ka qenë xehëtar me banim në Hajvali, ndërsa Haki Arifaj inxhinier i diplomuar i xehetarisë nga fshati Gllogovc, Komuna Lipjan.
Siç ka bërë të ditur ministria, ngjarja ka ndodhur me shembjen e papritur të masës shkëmbore në minierën Artana.
Njoftimi i plotë:
Të nderuar qytetarë,
Shprehim keqardhje të thellë për fatkeqësinë e ndodhur sot, me 2 qershor, në minierën e Artanës ku kanë humbur jetën Idriz Gerbeshi dhe Haki Arifaj. Idriz Gerbeshi ka qenë xehëtar me banim në Hajvali, ndërsa Haki Arifaj inxhinier i diplomuar i xehetarisë nga fshati Gllogovc, Komuna Lipjan.
Ngjarja ka ndodhur me shembjen e pa pritur të masës shkëmbore në minierën Artana.
Ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike u shpreh ngushëllime të gjithë familjarëve dhe shoqërisë së të ndjerëve.
Autoritetet e Republikës së Kosovës po angazhohen maksimalisht për t’u dalë në ndihmë të gjithë minatorëve dhe familjarëve të prekur.
