Pavarësisht se Komisioni Europian raportoi përpara Bashkimit Europian se vendet e saj duhet të hapin negociatat me Shqipërinë dhe Maqedoninë Veriore, përsëri kjo në fund varet nga vetë lidershipi i 28 vendeve anëtare.
Dihet se shumica e shteteve janë pro hapjes së negociatave me këto dy vende, ka disa shtete që janë akoma në mëdyshje dhe disa tjera që janë kategorikisht kundër.
Sipas medias së djathtë austriake “Die Presse”, Franca dhe Hollanda janë kategorikisht kundër.
“Kur unë isha ministre, unë bllokova zgjerimin e BE-së kundrejt Shqipërisë dhe Maqedonisë Veriore. Ne jemi kundër, dhe ne do jemi përsëri kundër. Ata janë gjeografikisht në Europë, duhet t’u ndihmojmë, por jo zgjerimit,” tha ministrja e punëve europiane në Francë, Nathalie Loiseau, e cila tani është kandidatja e presidentit Emanuel Macron për të paren e BE.
Por përveç Hollandës dhe Francës, nuk janë të sigurt për një hap të tillë edhe Danimarka me Gjermaninë. Në zgjedhjet parlamentare në Danimarkë, fituese e zgjedhjeve ishte partia socialdemokrate, shefja e së cilës Mette Frederiksen, në politikën e jashtme është mjaft konservatore.
Në anën tjetër, në Gjermani ka shumë deputetë që theksojnë së gjatë verës është e pamundur të hapen negociatat me Shqipërinë dhe Maqedoninë Veriore. Nuk mund të ketë vendim gjerman për hapjen e negociatave përpara shtatorit, tha shefi i frakcionit të CDU/CSU, Johann Wadephul, përcjell foldrejt.com.
Shefja e politikës së jashtme të BE, Federica Mogherini, gjatë javës së kaluar theksoi që sëpaku vendet e BE të hapin negociatat me Maqedoninë Veriore që zgjodhi krizën me kontestin e emrit me Greqinë. Por ky argument duket i dyshimtë.
“Ky nuk ka qenë kusht për zgjerimin, por për anëtarësimin në NATO,” tha një diplomat europian për “Die Presse”. Diplomati anonim, tha gjithashtu se dyshon në reformat e të dyja shteteve. “Shikoni protestat në Shqipëri dhe sesi reagon qeveria: a mund të shihet atje ndonjë përpjekje? Ne nuk harrojmë, kur Komisioni (Europian) përpara dy-tre vjetësh paralajmëroi për kapjen e shtetit nga krimi i organizuar.”/Foldrejt.com
