Zëvendësministrja e Mbrojtjes e Ukrainës, Hana Maljar tha në rrjetin social Telegram se rusët po e shkatërrojnë Bakhmutin me artileri dhe se po sjellin edhe parashutistë profesionistë, transmeton Klix, përcjell Fol Drejt.
“Armiku po përparon dalëngadalë në vetë Bakhmut duke e shkatërruar plotësisht qytetin me artileri. Përveç kësaj armiku po sjell parashutistë profesionistë. Luftimet e ashpra vazhdojnë me rezultate të ndryshme. Në situatën aktuale ushtarët tanë po bëjnë maksimumin, madje edhe më shumë. ”, tha Maljar.
Ajo deklaroi se forcat ukrainase çliruan rreth 20 kilometra katrorë territor nga forcat ruse rreth Bakhmutit lindor.
“Ukrainasit kanë çliruar rreth 20 kilometra katrorë territor nga forcat ruse rreth Bakhmutit lindor në ditët e fundit”, tha ajo.
Ajo shkroi në Telegram se forcat ruse “bënë njëfarë progresi” në qytetin e Bakhmutit dhe se luftimet e ashpra vazhdojnë.
“Fakti që mbrojtja e Bakhmutit zgjat kaq shumë muaj dhe se ka përparime në fusha të caktuara tregon forcën e luftëtarëve tanë dhe nivelin e lartë të profesionalizmit të komandës së mbrojtjes. Ju kujtoj se armiku ka përparësi në numri i njerëzve dhe armëve.Njëkohësisht, falë veprimeve të ushtrisë sonë, ai në verë nuk arriti t’i zbatojë planet e tij në drejtim të Bahmutit”, theksoi ajo.
Për kujtesë, raporti i Institutit për Studimin e Luftës (ISW) tregon se vendosja e forcave ruse me kualifikim të ulët në krahët rreth Bakhmutit tregon se Ministria ruse e Mbrojtjes ka hequr dorë nga rrethimi i forcave ukrainase në këtë qytet. /FolDrejt/
