Koreja e Veriut pretendon se kundërshton luftën dhe se armët e saj janë ekskluzivisht për vetëmbrojtje, por presidenti i vendit tha së fundmi se misioni i forcave të saj bërthamore shkon përtej parandalimit dhe përfshin mbrojtjen e “interesave themelore të kombit”.
Udhëheqësi i Koresë së Veriut, Kim Jong Un i bëri thirrje ushtrisë së vendit që të “forcojë forcat e saj në të gjitha anët” në mënyrë që të jetë në gjendje të “shkatërrojë armikun”, ndërsa imazhet e reja satelitore tregojnë përgatitjet e intensifikuara të Phenianit për një provë të mundshme bërthamore, shkruan Reuters, transmeton FolDrejt.
Kim e bëri deklaratën gjatë një fotosesioni të përbashkët me ushtarë, gazetarë të medias shtetërore dhe të tjerë që morën pjesë në një paradë të madhe ushtarake të hënën, duke shënuar 90 vjetorin e themelimit të ushtrisë, e cila u raportua nga media shtetërore./FolDrejt/
