Kina këtë fundjavë do të dërgojë avionët e saj ushtarakë në Tajlandë për një stërvitje të përbashkët ushtarake me qëllim të “thellimit të bashkëpunimit praktik” midis dy palëve.
Kina këtë fundjavë do të dërgojë avionët e saj ushtarakë në Tajlandë për një stërvitje të përbashkët ushtarake me qëllim të “thellimit të bashkëpunimit praktik” midis dy palëve, njoftoi sot Ministria kineze e Mbrojtjes, shkruan AA, transmeton Fol Drejt.
Forcat ajrore të të dy vendeve do të zhvillojnë stërvitjen e quajtur “Falcon Strike 2022″, në bazën e Forcave Ajrore Mbretërore Thai në Udorn të dielën, thuhet në deklaratën e ministrisë.
“Do të përfshihen kurse kryesore të trajnimit si mbështetja ajrore, sulmet në objektiva tokësorë dhe vendosja e trupave në shkallë të vogël dhe të gjerë”, theksohet në deklaratë.
Stërvitja po mbahet teksa tensionet në të gjithë ngushticën e Tajvanit janë rritur që kur kryetarja e Dhomës së Përfaqësuesve të SHBA-së, Nancy Pelosi vizitoi Tajvanin javën e kaluar duke shkaktuar stërvitje masive ushtarake nga Pekini rreth ishullit të vetëqeverisur.
Avionët luftarakë të Forcave Ajrore të Ushtrisë Çlirimtare Popullore të Kinës, avionët luftarakë-bombardues dhe avionët e paralajmërimit të hershëm në ajër do të marrin pjesë në stërvitje.
“Stërvitja e përbashkët synon të rrisë besimin dhe miqësinë e ndërsjellë midis forcave ajrore të dy vendeve, të thellojë bashkëpunimin praktik dhe të promovojë zhvillimin e vazhdueshëm të partneritetit gjithëpërfshirës strategjik të bashkëpunimit Kinë-Tajlandë”, thuhet në deklaratë./FolDrejt/
