Presidenti Xi në një telefonatë me homologun e tij iranian, Ebrahim Raisi, tha se “Kina është e gatshme të forcojë bashkëpunimin me Iranin brenda Organizatës së Bashkëpunimit të Shangait (SCO) dhe kornizave të tjera”.
Presidenti i Kinës, Xi Jinping, ka deklaruar se Pekini do të forcojë bashkëpunimin me Iranin, shkruan AA, transmeton Fol Drejt.
E përditshmja kineze ‘Global Times’ raportoi se presidenti Xi në një telefonatë me homologun e tij iranian, Ebrahim Raisi, tha se “Kina është e gatshme të forcojë bashkëpunimin me Iranin brenda Organizatës së Bashkëpunimit të Shangait (SCO) dhe kornizave të tjera”.
Biseda telefonike u mbajt derisa SCO po mban një samit të ministrave të jashtëm në kryeqytetin Tashkent të Uzbekistanit. Irani po ashtu është anëtar i SCO-së.
Presidenti Xi tha se Kina mbështet “rrugët e zhvillimit të pavarur” të vendeve të Lindjes së Mesme.
Kina dhe Irani i kanë zhvilluar marrëdhëniet e tyre dypalëshe në nivel strategjik dhe po ashtu kanë nënshkruar një marrëveshje sipas së cilës Pekini në 25 vitet e ardhshme do të investojë më shumë se 400 miliardë dollarë në Iran.
Më herët gjatë ditës, presidenti kinez foli edhe me homologun e tij polak, Andrzej Duda.
Xi tha se Kina e sheh Poloninë si një “partner të preferuar në Evropë dhe është i gatshëm të rrisë besimin politik dhe të vazhdojë të përmirësojë partneritetin strategjik gjithëpërfshirës”.
Dy presidentët diskutuan edhe situatën në Ukrainë./FolDrejt/
