Një trupë komike kineze është gjobitur me 14.7 milionë yuan (2.1 milionë dollarë, rreth 200 milionë dinarë) për një shaka me ushtrinë dhe një aludim për sloganin e presidentit Xi Jinping, transmeton Klix, përcjell Fol Drejt.
Komediani Li Haoshi me shaka e krahasoi sjelljen e dy qenve me ushtarët, të cilin autoritetet kineze e quajtën “poshtërim të ushtrisë popullore”.
Shanghai Shaoguo Media Company, ku punon Li Haoshi, pranoi gjobën dhe ndërpreu kontratën me aktorin e humorit.
Haoishi e bëri shakanë e diskutueshme të shtunën gjatë një shfaqjeje stand-up në Pekin.
Ai foli për dy qen që kishte adoptuar, të cilët po ndiqnin një ketër.
“Qentë e tjerë që shihni do t’ju bëjnë të mendoni se janë të adhurueshëm.”
“Këta dy qen thjesht më kujtuan ‘luftoni për të fituar, jepni shembullin’”, tha Haoshi, emri i artit të të cilit është House.
Është një pjesë e sloganit që presidenti kinez Xi Jinping e prezantoi në vitin 2013 si synimin e ushtrisë kineze. /FolDrejt/
