Peshkopi Irinej i Baçkës deklaroi se Kisha Ortodokse Serbe “përcaktoi dhe shpalli në mënyrë eksplicite qëndrimin e saj për Kosovën “, dhe në lidhje me thirrjet publike për ta bërë këtë, ai tha se “nuk ka më të shurdhër se ai që nuk do të dëgjojë dhe më të verbër se ai që nuk do të shohë”, shkruajnë mediat serbe, transmeton Fol Drejt.
Sipas peshkopit, përkundër deklarimit zyrtar të kishës, në opinion shpërthyen akuzat sikur ajo të mos kishte thënë “gjithçka dhe çdo gjë” që ndërlidhej me çështjen e Kosovës.
Irinej përsëriti edhe një herë “qëndrimet që Patriarku Porfirje i kishte shpallur më 20 janar” në të cilat ndër të tjera thuhet se “Kosova është pjesë e pandashme dhe e patjetërsueshme e Republikës së Serbisë” dhe gjithashtu, se “ruajtja e Kosovës brenda kufijve të Republikës së Serbisë është obligim dhe imperativ kushtetues, si për kishën ashtu edhe për shtetin”./FolDrejt/
