Shërbimi ukrainas i sigurisë dhe policia bastisën një manastir ortodoks mijëravjeçar në Kiev mëngjesin e sotëm, si pjesë e operacioneve kundër “aktiviteteve të dyshuara subversive të shërbimeve speciale ruse”, njoftoi shërbimi ukrainas i sigurisë.
Kisha Ortodokse Ruse njoftoi sot se kontrolli i kryer nga shërbimet e sigurisë ukrainase në manastirin ortodoks në Kiev ishte një akt frikësimi.
Zëdhënësi i kishës Vladimir Legoida tha se komuniteti ndërkombëtar pothuajse me siguri nuk do t’i kushtojë vëmendje aktit të sotëm të frikësimit të besimtarëve, siç ka bërë në shumë raste të tjera të persekutimit të besimtarëve në Ukrainë që nga viti 2014, raportoi Reuters./FolDrejt/