Barcelona ka shijuar një tjetër humbje në Camp Nou, pas asaj në Ligën e Evropës.
Skuadra katalunase u eliminua nga gara e dytë më e madhe në Evropë prej Eintracht Frankfurtit, ndërsa mbrëmë humbi 1-0 përball Cadizit në La Liga.
Nga kjo humbje, u vërejttë edhe një gjë që ishte vërtetë dëshpëruese dhe vinte nga aga e tifozëve.
Një pjesë e madhe e ulëseve në Camp Nou ishin të boshatisura dhe në fillim nuk dihej se cila ishte arsyeja.
Sipas “ESPN”, mos prania e një grupi të tifozëve është si shenjë proteste për atë që ndodhi javën e kaluar në ndeshjen ndaj Eintracht Frankfurtit në Ligën e Evropës.
Në atë ndeshje ishin të pranishëm më shumë se 30 mijë tifozë të skuadrës gjermane.
Pas ndeshjes me Eintracht Frankfurtin, presidenti i Barcelonës Joan Laporta, trajneri Xavi, si dhe futbollistët kishin reaguar fuqishëm.
Mes tjerash, katalunasit kërkuan të fillojnë hetimet rreth këtij rasti, pasi dyshohet se gjermanët u pajisen me bileta në tregun e zi. /Telegrafi/
