Mungesa e hekurit ose rënia e niveleve të tij është një gjendje shumë e zakonshme. Në fakt, hekuri është një element thelbësor për trupin tonë, veçanërisht për formimin e rruazave të kuqe të gjakut, përgjegjëse për transportimin e oksigjenit në organe dhe inde.
Përgjithësisht me mungesë hekuri ka një ndjenjë dobësie dhe rraskapitjeje (ndër simptomat te femrat, këto janë më të shpeshtat, veçanërisht në rastin e menstruacioneve). Por ka edhe shenja të tjera për t’u kujdesur.
Në rastin e anemisë nga mungesa e hekurit, simptomat janë edhe më të dukshme.
Anemia është një sëmundje shumë e përhapur (nga ajo vuajnë mbi 1 miliard gra), në përgjithësi karakterizohet nga: zbehje, marramendje, takikardi, vështirësi në frymëmarrje.
Shkaqet mund të jenë të ndryshme dhe janë mbi të gjitha gratë që janë më të rrezikuara, të moshës së lindjes së fëmijës apo shtatzënisë, por edhe të moshuarit apo personat e dobët apo personat me sëmundje bashkëshoqëruese.
Për të mbuluar nevojat ditore të këtij minerali është shumë e rëndësishme të ndiqni një dietë të larmishme dhe të ekuilibruar. Në fakt, niveli i ulët i hekurit mund të zgjidhet me ushqim, duke zgjedhur me kujdes çfarë të hani, por kjo varet edhe nga niveli i ashpërsisë.
Çfarë nënkuptohet me mungesë hekuri?
Mungesa e hekurit është një gjendje që nuk duhet nënvlerësuar, pasi është e lidhur ngushtë me aneminë.Pak hekur, në fakt, nënkupton edhe pak hemoglobinë në gjak, proteina e pranishme në qelizat e kuqe të gjakut (ose eritrocitet) që favorizon transportin e oksigjenit në indet dhe organet e trupit tonë, shkruan Telegrafi, përcjell FolDrejt.
Prandaj, oksigjenimi i dobët për shkak të niveleve të ulëta të hekurit e bën trupin tonë më të dobët. Kërkesa ushqyese e këtij minerali është, në fakt, shumë e rëndësishme, veçanërisht për gratë fertile dhe shtatzëna.
I ashtuquajturi niveli i ulët i hekurit mund të ketë disa arsye, duke përfshirë:
- Dietë e pa balancuar dhe me pak hekur.
- Përthithje e reduktuar ose e dëmtuar e hekurit.
- Humbje e zgjatur e mineralit.
Me fjalë të tjera, ata që nuk ndjekin një dietë korrekte ose humbin më shumë hekur sesa mund të marrin (për shembull gjatë shtatzënisë ose për shkak të çrregullimeve gastrointestinale), mund të kenë mungesë hekuri.
Nevoja ditore për hekur është rreth 10 miligram në ditë për burrat dhe 18 miligram në ditë për gratë, megjithëse nevoja e grave për këtë mineral rritet deri në 30 miligram në ditë në rast shtatzënie ose ushqyerjeje me gji./Telegrafi/
