Po vijon debati në Kuvendin e Republikës së Kosovës, ndërsa në fokus është marrëveshja e fundit në Bruksel ndërmjet Kosovës dhe Serbisë, shkruan Fol Drejt.
Kryetari i Partisë Demokratike të Kosovës (PDK), Memli Krasniqi kritikoi ngutin e Kryeministrit Kurti për ta nënshkruar marrëveshje, duke ia kujtuar atij se ajo nuk mund të bëhet pa kaluar në kuvend:
“Kjo marrëveshje u pranua me vullnet dhe entuziazëm të plotë nga kryeministri Kurti, dhe duket që nëse dot ë varej prej tij është çështje ditësh edhe nënshkrimi i saj. Çështjet që kjo marrëveshje i përmban hyjnë në kuadrin e çështjeve nga neni 18 paragrafi 1 i kushtetutës ku kërkohet ratifikimi nga ana e Kuvendit me 2/3 e votave”, ka thënë Krasniqi.
Ai ka thënë se nëse lexohet teksti i këtij dokumenti shihet se Kurti është pajtuar që të kapërcej trashëgimin e së kaluarës.
“Adresimin e përgjegjësive për krimet e luftës, dëmshpërblimet e luftës, dëmet materiale, kthimin e të mirave materiale të pensioneve të qytetarëve dhe po ashtu të pronës së uzurpuara të tyre…
Unë se kuptoj si mund të ketë pajtueshmëri për të kaluar trashëgiminë e së kaluarës pa i zgjedhur këto çështje fondamentale” – tha mes tjerash Krasniqi./FolDrejt/
