Këshilli për Mbrojtjen e të Drejtave dhe Lirive të Njeriut ka reagur për protestën e Partisë Socialdemokrate, të cilën e quajti protestë të qetë dhe me organizim të mirë.
Ata thanë se sipas vëzhguesit të KMDLNj- së në këtë protestë , numri i protestuesve ishte 2 mijë e 500 – 3 mijë protestues.
Por, ata vlerësuan se në këtë protestë janë shkelur rregullat antiCOVID sepse nuk përfillej distanca sociale, përcjell Klankosova.tv.
“Në fund të protestes janë hudhur drejt objektit të qeverisë poça elektrike dhe qirinj për të simbolizuar terrin dhe dritën. KMDLNj është kundër rritjes së paralajmëruar të çmimit të energjisë elektrike sipas ZRRE dhe kërkon një rritje lineare të çmimit të rrymës që do të ishte i përballueshëm për qytetarët e Kosovës, pa bërë asnjë dallim”.
“Blloku më i ulët tarifor nuk duhet të jetë nën 1000 – 1200 kë. KMDLNj kunërshton ashpër mospërfshirjen e katër komunave të Veriut në skemën e faturimit e që e pranoi edhe kryesuesi i ZRRE, Ymer Fejzullahu. KMDLNj kërkon hetime nga Prokuroria e Shtetit për legalalizim të diskriminimit të konsumatorëve sipas parimit etnik e që e konsideron si shkelje të rëndë të drejtave të njeriut dhe dhunimit të ligjit që garanton barazinë e të gjithë qytetarëve , pa bërë asnjë dallim”, thuhet në reagimin e tyre.
KMDLNj tha se këto protesta duket se mund të masivizohen në të ardhmën e që mund të ndikojnë edhe në përkeqësim të gjendjes politike dhe të sigurisë.
