Një koleksion kompjuterësh Apple që përfshin gati gjysmë shekulli dhe gjurmojnë zhvillimin e një prej kompanive më me ndikim në botë do të ofrohet për shitje në Kaliforni në mars.
Tifozët e kompanisë revolucionare të Steve Jobs do të jenë në gjendje të marrin në dorë një koleksion pajisjesh që tregojnë se si Apple u bë një emër i njohur, përcjell Fol Drejt.
Arkivi i Apple Hanspeter Luzi përmban më shumë se 500 kompjuterë dhe pajisje Apple të mbledhura nga pedagogu dhe sipërmarrësi zviceran për dekada.
“Të gjitha këto produkte me të vërtetë formësuan kohën dhe çuan në ndryshime shoqërore në mënyrën se si ne punojmë, mësojmë, veprojmë dhe komunikojmë, madje edhe kalojmë kohën tonë të lirë,” tha Erik Rosenblum nga Julien’s Auctions në Beverly Hills.
“Jemi në një kohë interesante… Tani për tani, kur kemi kaluar nga përdorimi i përditshëm i kompjuterëve Apple në një ekspozitë historike.” Koleksioni përfshin një Apple II Plus të viteve 1979-1982, të kompletuar me monitor dhe konzola lojërash, si dhe një Macintosh origjinal të vitit 1984.
“Të gjitha këto pjesë janë gjyshërit e iPhone, iPad dhe iMac-ve tanë”, tha Rosenblum. “Është shumë bukur të shohësh evolucionin”, shtoi ai. Ankandi i 30 marsit do të vijë pasi një iPhone origjinal i vitit 2007, i cili nuk u hoq kurrë nga kutia, u shit për më shumë se 63,000 dollarë./FolDrejt/
