Aktori i mirënjohur i humorit Albano Bogdo është bërë shënjestër e rrjeteve sociale këto ditë.
Kjo meqë për të përfituar disa “dhurata” me ikonën e mbretit të xhunglës, Luanit, të cilat më pas përkthehen në përfitime financiare nga konvertimi në ‘coins” në formatin e “Tik-Tok”, aktori pranon që të qethet zero gjatë live-it, transmeton Fol Drejt.
Me këtë rast fansat e ndjekësit e tij kanë shpërthyer në ofendime, duke e cilësuar lypës Tik Tok-u.
Albano ka reaguar plot revoltë, duke iu drejtuar atyre që e kanë kritikuar, me një gjuhë të ashpër.
Ai ka rrëfyer se në jetën e tij ka pasur disa periudha të errëta, ku është përballur me varësinë nga alkooli dhe bixhozi, por pavarësisht kësaj ka arritur që t’i bëjë njerëzit të qeshin për 12 vjet.
“Përshëndetje të dashur moralista, ju që më quani lypës tik-toku, drogaxhi, miss Albano keni filluar me quani… dëgjo, doni konfirmime? Ua them unë! Kam kaluar qindra net në ruletë, kam qenë i alkoolizuar, gjërat që kam bërë i kam bërë për të zezën time, nuk u kam bërë asgjë juve.
Ndryshimi mes meje dhe jush është se unë kam kërkuar ndihmë, mamit dhe vëllait, u kam thënë që jam i alkoolizuar, më kanë ndihmuar dhe e kam lënë, kam qenë i varur nga bixhozi, më kanë ndihmuar… ju e quani bixhoz dhe Texas (poker), por Texas është një lojë që e luajnë aktorët më të famshëm në botë, shikoni në google.
Mund të gjykoni, mund të mos e bëni, nuk më plas trapi fare, po ua them prapë, luanët nuk e vrasin mendjen për opinion e deleve dhe delet në këtë rast jeni ju, por kur më quani lypës Tik Toku më vjen për të qeshur. Nëse nuk ju pëlqej mos më ndiqni. Doja të bëja një fjalim, por thash po them çfarë më del nga mendja, dhe kjo më del nga mendja t’u them: F*uck you, në kuptimin e parë të fjalës f*uck you! Kush jeni ju që të më gjykoni mua? Unë jam Albano Bogdo, ti kush je.
Kam 12 vite që bëj njerëzit për të qeshur, pavarësisht se çfarë kam kaluar këto vite, depresion, shkatërrim nervash nga humbja e lekëve, shkatërrim trupi nga alkooli e shumë gjëra që s’ka pse t’i dini. Po ju merr frymën me çmimet e si thoni asgjë, unë ia thash të gjitha ato që donit t’i thonit ju në 10 minuta, duke rrezikuar punën, shyqyr zotit s’ka ndodhur. Kështu që para se të më gjykoni mua, ktheni gishtin nga vetja dhe pyesni veten cfarë do bënit ju po të ishit në vendin tim”, shprehet ai./FolDrejt/
