Deputeti i AAK-së njëkohësisht anëtari i Komisionit për Legjislacion, Besnik Bislimi, njoftoi se sot ky komision ka miratuar dhe proceduar për në Kryesi të Kuvendit Ligjin për Zgjedhje Parlamentare me një sërë ndryshimesh, transmeton Fol Drejt.
“Sot, në Komisionin për Legjislacion kemi miratuar dhe e kemi proceduar per në Kryesi të Kuvendit Ligjin për Zgjedhje Parlamentare.”, shkroi Tahri në Facebook.
Tahiri njoftoi se disa nga ndryshimet kryesore të Ligjit për Zgjedhje që do t’i propozohen për miratim Kuvendit janë si në vijim:
1. Heshtja zgjedhore (hiqet dhe vlenë vetëm prej hapjes së kutive të votimit në ora 7-19);
2. Kufizimi i certifikimit të kandidatëve për deputet-vetëm ata që në 3 vitet e fundit janë dënuar me vendim të formës së prerë për vepër penale me burg efektiv 1 e me shumë vjet;
3. Vota preferenciale. Votuesi ka të drejtë të votojë deri në 10 kandidatë për deputetë;
4. Numrimi i votave për Parti Politike, i kandidatëve për kryetarë komunash bëhet në vendvotime, (në ditën e zgjedhjeve) ndërkaq vota për kandidatë për deputetë dhe asamblistë, në qendrat komunale të votimit. (të nesërmen);
5. Votimi në diasporë, bëhet me postë në kuti postare në Kosovë, në kuti postare në diasporë dhe fizikisht në perfaqësi diplomatike, ku ka kushte;
6. Janë zgjatur ankesat e partive politike dhe të kandidatëve nga 24 në 48 orë;
7. Nuk kufizohet afishimi i materialeve publicitare elektorale në 100 metra vijë ajrore siç ka qenë deri tash. Ajo kufizohet vetëm brenda qendrave të votimit dhe në oborret e qendrave të votimit.
“Ka edhe disa ndryshime të tjera të cilat besoj se do ta ngrisin cilësinë e zgjedhjeve në Kosovë.”, shtoi Tahiri. /FolDrejt/
