Komiteti Olimpik Spanjoll (COE) ka kritikuar trajtimin e qeverisë së Madridit ndaj atletëve kosovarë.
“Në të gjitha vendet e botës, përveç Spanjës, kosovarët priten pa probleme, me të njëjta të drejta dhe garancë si atletët e tjerë,” tha shefi i COE, Alejandro Blanco shkruan „El Pais“, përcjell foldrejt.com.
Sportistët e Kosovës nuk u lejuan që të garojnë me simbolet e shtetit gjatë garave botërore të karatesë në Madrid. Ata konkurruan me iniciale të shoqatës KKF. Një rast i tillë nuk ka ndodhur as me xhudistët kosovarë në Moskë të Rusisë.
Spanja në anën tjetër ka shtuar dyshimet për pavarësinë e Kosovës, prej në momentin e ngritjes së mbështetësve ndaj separatistëve katalonjas në Barcelonë. Megjithatë Kosova është anëtare e Komitetit Olimpik (IOC) prej 2014.
Tashmë IOC ka vendosur që të mos organizohet evente ose gara ndërkombëtare në Spanjë. Kjo do vleje derisa atletët e Kosovës të marrin trajtesën e njëjtë si gjithë të tjerët nga qeveria madrilene.
“Nëse qeveria spanjolle nuk është në gjendje të garantojë gara fer për të gjithë sportistët – jo vetëm të atyre nga Kosova – ne do pezullojmë çdo aktivitet ndërkombëtar, derisa të zgjidhet ky problem,” tha zv.drejtori gjeneral i IOC, Pere Miro, përcjell foldrejt.com.
Qeveria spanjolle gjithashtu kishte kërkuar që në rast se fitonte medalje ari ndonjë sportist kosovar, atëherë të mos ngrihej flamuri dhe të mos intonohej hymni i shtetit në fjalë.
Rasti spanjoll të kujton vendimet e Hitlerit gjatë Lojërave Olimpike 1936, ku në rast se fitonin të zinjtë, nuk i përshëndeste ose kryente presione ndaj shteteve respektive që të mos garojnë sportistët hebrej./Foldrejt.com
