Unioni Studentor Shqiptar shpreh ngushëllime familjarëve të viktimave në aksidentin tragjik, të lënduarve u dëshirojmë shërim sa më të shpejtë duke lutur që Zoti të jetë me të gjithë ata që u prekën nga kjo ngjarje e rëndë.
Si organizatë rinore me kujdesin më të madh ndjekim çdo lëvizje dhe bëjmë thirrje për përkrahje me të prekurit dhe senzibilizim të shoqërisë tonë. Kjo tragjedi na ngacmoi ndjenjat e njerëzisë dhe kujdesit ndaj njëri-tjetrit mirepo jo edhe të gjithë atyre që bartin profesione të shenjta, e me përgjegësi të veçantë. Prapa dyerve të Universitetit “Shën Qirili dhe Metodi”, e ashtuquajtura profesoreshë universitare pranë fakultetit juridik Justiniani i Parë, Biljana Vankovska, në mënyrë jonjerëzore shfrytëzon tragjedinë me deklarata të cilat nxisin gjuhën e urrjetjes si dhe ngrisin tensione shumëdimensionale.
Unioni Studentor Shqiptar, i bën thirrje Ministrisë së Arsimit dhe Shkencës në krye me Arbër Ademin, si dhe Rektoratit të Universitetit “Shën Qirili dhe Metodi”, që pa humbur as edhe një moment të ndërmarrin masat e parapara, Biljana Vankovska nuk duhet të lejohet që edhe njëherë të shkel në dyert e institucioneve edukativo-arsimore.
Gjatë ditës së djeshme USSH kontakti rektorin e Universitetit “Shën Qirili dhe Metodi” prof.Nikola Jankulovski dhe ia adresoi kërkesën e njejtë, përgjigja që morëm sot në mëngjes është se ndjen keqardhje dhe distancohet nga deklarata e Biljana Vankovska, por në të njejtën kohë thotë se mbron lirine e shprehjes të çdo profesori dhe studenti, pergjigja e tij kontradiktore nuk e zgjidh problemin, prandaj i themi ta mer me seriozitet dhe ta shqyrton kërkesën tonë siç duhet, kurse nga MASH ende nuk kemi asnjë përgjigje konkrete.
Gjithashtu i bëjmë thirrje edhe Ministrisë së Punëve të Brendshme si dhe Prokurorisë Publike, që për personin në fjalë por edhe për personat e tjerë pavarësisht titujve ose posteve e që përfshihen në akte të tilla destruktive të hapen procedura hetimore. Rastet e këtilla nuk duhet të kalojnë pa u ndëshkuar. Presim korrektësi nga autoritetet përkatëse në shqyrtimin e kërkesës tonë. Është koha që rinia e vendit tonë të lihet e lirë të zhvillohet intelektualisht e të kursehet nga aktet e tilla të cilat e ngadalësojnë këtë proces.
Egzon Shabani, kryetar. Shkup, 15.02.2019./facebook.com/unionistudentorshqiptar.
