Dy persona janë arrestuar nga policia gjatë një konfiskimi të substancave narkotike.
Rasti ka ndodhur në Vushtrri, rreth orës 11:25 të ditës së djeshme, transmeton Fol Drejt.
Raporti 24 orësh i policisë bën të ditur se arrestimi i të dyshuarve ka ardhur për shkak se afër tyre janë gjetur e konfiskuar 28 paketime të mbushura me substanca narkotike të llojit të marihuanës, me peshë totale 23.1 gram.
Tutje thuhet se me vendim të prokurorit, të dyshuarit janë liruar dhe se rasti shkon në procedurë të rregullt./FolDrejt/
