Një 17-vjeçar ka përfunduar në spitalin e Korçës, për shkak se është plagosur me thikë.
Policia raporton se adoleshenti është përfshirë në një sherr dhe për pasojë është qëlluar me thikë. Aktualisht 17-vjeçari ndodhet nën kujdesin e mjekëve.
Njoftimi i policisë:
Më datë 04.08.2022, rreth orës 21:10, në Spitalin e Korçës, ka shkuar për mjekim një 17-vjeçar, banues në Korçë, që dyshohet të jetë dëmtuar me mjet prerës, në qytetin e Korçës, gjatë një konflikti fizik, i cili aktualisht ndodhet nën kujdesin e mjekëve.
Grupi hetimor po punon për identifikimin dhe kapjen e autorit dhe sqarimin e rrethanave të ngjarjes./abcnews.al/
