Kryeparlamentari Glauk Konjufca në prag të zgjedhjeve për kryetar të Lëvizjes Vetëvendosje ka dalë me një dedikim për kryetarin e deritanishëm dhe kandidatin e vetëm, Albin Kurti.
Lëvizja Vetëvendosje arriti këtu ku është pasi gjithmonë pati një kryetar të pathyeshëm, vizionar e shumë të përgatitur dhe të dashur për popullin, thotë Konjufca.
“Rrugëtimi ynë nuk është i gjatë, por aktivitetet e bënë rrugën tonë të gjatë dhe aspak të lehtë. Sakrifica ka qenë themeli i këtij rrugëtimi tonë të përbashkët. Vetëvendosja e mëshiron sinqerisht interesin e qytetarëve tanë, ne dolëm të parët në zgjedhjet e vitit të kaluar pasi na besoi populli si të drejtë, të pakorruptuar dhe të panënshtrueshëm”.
“Ne arritëm këtu ku jemi edhe falë një fakti që ne patëm një drejtues të pathyeshëm, vizionar, shumë të përgatitur dhe i vendosur për të mirën e popullit, e ky është Albin Kurti”.
“Gjatë burgosjes ishte shembull i qëndresës dhe gjithmonë ishte i gatshëm që të jepte edhe jetën në ato rrethana dhe pas themelimit të LVV-së dhe aktiviteteve tona ai ishte i pari i gatshëm për sakrificë dhe i pari që arrestohej. Por, të jeni të bindur se Kurti nuk qeverisë i vetëm, por bashkë me të gjithë”, tha Konjufca.
