Zgjedhjet lokale në Shqipëri të zhvilluara në 30 qershor 2019 dhe bojkoti nga opozita është kulmi i tensionit politik në Shqipëri, e cila po zgjat prej disa muajsh. Partia Socialiste nën kryeministrin Edi Rama lejoi mbajtjen e zgjedhjeve, përkundër që presidenti Ilir Meta abrogoi zgjedhjet për tu mbajtur në tetor, shkruan fillimisht Fondacioni i djathtë gjerman Konrad Adenauer, informon foldrejt.com.
Në fakt zgjedhjet kaluan në paqe, por me dalje mjaft të vogël të votuesve dhe opozita nuk i pranoi. Pritet të shihet sesi Shqipëria do e tejkalojë krizën më të madhe të historisë së saj të re.
Më tej shkrimi i fondacionit gjerman tregon se 30 qershori është i pari në 30 vjet pluralizëm që zgjedhjet bojkotohen nga opozita. Kjo me arsyen se qeveria është jodemokratike dhe e lidhur me krimin, duke përmendur edhe artikujt e medias gjermane BILD.de (5 dhe 17 qershor), ku dëgjohet audio-incizimet e krerëve të qeverisë shqiptare duke u marrë me allishverish shitjes dhe blerjesh votash.
Si pikë më të rëndë, Kondrad Adenauer e përmend edhe procesin e Vettingut, që duhej ta pastronte drejtësinë nga gjykatësit dhe prokurorët e korruptuar, por në fakt solli edhe mos funksionimin e Gjykatës Kushtetuese.
“Ky proces akoma nuk ka sjell rezultatin e duhur, bile ka çuar akoma më tej në shkatërrimin e funksionimit të sistemit juridik. Në vend që gjykatësit të hetoheshin individualisht njëri pas tjetrit dhe eventualisht të liroheshin nga puna, procesi i lustracionit filloi me Gjykatësit dhe Prokurorët e rangut të lartë. Kështu nga Gjykata Kushtetuese u liruan të gjithë nëntë gjykatësit, duke ardhur deri te mos aftësia e funksionimit të këtij institucioni të lartë shtetëror,” përcjell foldrejt.com.
Sipas raportit të OSCE, zgjedhjet kaluan më shumë probleme ku mes tjerash vlen të theksohet:
-Zgjedhjet komunale përfunduan me një dalje të vogël të elektoratit.
-E vetmja instancë që mund të vendosë për dekretin e presidentit (mbi shtyerjen e zgjedhjeve) është Gjykata Kushtetuese.
-Vendimet e Komisionit Zgjedhor u karakterizuan me paqëndrueshmëri, gjë që çoi në paqartësi ligjore.
– Kishte një presion të madh mbi administratën;
– Regjistrimi i Bindja Demokratike ishte anti-ligjor.
-Mediat më të rëndësishme si Top-Channel dhe Klan TV raportonin pozitivisht mbi qeverinë dhe negativisht mbi opozitën, kjo bazuar në interesat e pronarëve mediatik.
Pasi flet për zhvillimet e fundit, tentativën e qeverisë për shkarkimin e presidentit Ilir Meta dhe protestën e dhjetë opozitare në Tiranë, më tutje në artikull thuhet se Shqipërinë e pret një verë e “nxehtë” politike. Frontet politike janë ashpërsuar dhe bashkimi për të ardhmen e vendit janë më larg se kurrë.
Poashtu Europa pas zgjedhjeve të fundit dhe ndryshimit të lidershipit, më shumë merret me veten dhe ka pak kohë për të lëshuar një sy në Shqipëri. Në fund raporti i fondacionit gjerman thekson se 95 përqind e shqiptarëve kërkojnë anëtarësim në BE dhe kjo është vlera më e lartë në rajon. Andaj edhe e vetmja gjë që i bashkon PS dhe PD është integrimi i vendit në BE.
Megjithatë, “mbatja e zgjedhjeve të lira është sfida më e madhe që kërkon BE nga vendet kandidate si Shqipëria. Me këtë parodi zgjedhjesh, Shqipëria nuk ka pasqyrë të mirë,” përmbyllet artikulli./Foldrejt.com
