Konsulli i Nderit i Shqipërisë në Ukrainë, Shahin Omarov, ka folur për situatën e tensionuar në Ukrainë, në një intervistë në Info Magazine në Klan Kosova.
Omarov ka thënë që situata në Ukrainë është e tensionuar që nga viti 2014.
“Situata në Ukrainë nuk ka filluar sot, as dje, kjo situatë është e tensionuar që nga viti 2014. Në fillim Federata Ruse themeloi Donbasin si lëvizje kundër Ukrainës. Si rrjedhojë e kësaj filluan edhe bisedimet dhe kështu nga ajo kohë filloi si luftë e nxehtë brenda. Prej asaj kohe po bëhen tetë vjet që në Ukrainë kanë humbur jetën rreth 15 mijë qytetarë. Situata sot është krejt ndryshe sepse po jetojmë në gjendje lufte. Federata Ruse me inate po bën manovra me ushtarët, duke abuzuar kështu me armatim”.
Ai tha se rusët nga katër anët e kanë bllokuar Ukrainën.
“Për këtë arsye po mundohemi zëshëm me i thënë gjithë Evropës që kjo nuk është çështje vetëm e Ukrainës por i prekë të gjithë”, tha ai.
Klan Kosova: A mendoni që konflikti i armatosur është i pashmangshëm?
Omarov: Ne jemi brenda dhe po jetojmë ne një forme normal, situate është e qetë, por rreziku na vjen nga Rusia. Nuk duhet të këtë lufte. Por në të njëjtën kohë tash e sa vite edhe Evropa e Amerika, po ndihmojnë edhe në armatim Ukrainën.
Klan Kosova: Si po e shihni ndërmjetësimin e liderëve tjerë botërorë në këtë mosmarrëveshje?
Omarov: Po të gjithë po përgatiten, edhe ne këto momente që po flasim bashkëkancelarët gjermane kanë ardhur këtu, dhe nga këtu do të shkojnë ne Rusi, para këtyre erdhi edhe Makroni, delegacioni turk, si dhe përfaqësues nga Anglia, pra me një fjale e gjithë Evropa po vjen këtu për të parë situatën, për të marrë informata dhe pastaj po vazhdojnë tutje bisedimet me Rusinë. Unë po mendoj që këtë situatë duhet ta zgjedhim në mënyrë diplomatike.
Klan Kosova: Rusia dhe Ukraina po vazhdojnë përgatitjet ushtarake, deri në çfarë forme mund të eskalojë situata?
Omarov: Gjithçka që mund të ndodhë në kokën e gjithë Evropës ka një pyetje: Pse kaq shumë Rusia po kërkon nga Ukraina, ata nuk po përgjigjen, ata po thonë ju na keni ardhur kaq afër.
Klan Kosova: Si do të reflektonte në Ballkanin Perëndimor një konflikt i këtyre përmasave?
Omarov: Nuk mendoj që këtu mund të ketë rrezik, për arsye gjeografike, si pozicion Ballkani Perëndimor është më larg dhe në këtë aspekt direkt nuk keni rrezik as nga Rusia as nga Ukraina, por për në Evropë mund të ndryshojë gjithçka.
Klan Kosova: Si e shihni pozicionimin e Shqipërisë dhe Kosovës, ata që qëndrojnë në anën e Ukrainës?
Omarov: Siç dihet, fatkeqësisht Ukraina s’e njeh Kosovën dhe nuk mund të udhëtohet e merren viza, por unë vetë po e luaj rolin e konsullit për Kosovën dhe shqiptarët dhe ka shumë vite që po lobojmë edhe për çështjen e vizave.
Klan Kosova: Kemi parë shumë shqiptarë të angazhuar nga forcat paraushtarake e ka edhe kosovarë që po interesohen të marrin pjesë në këtë luftë. Cili është komenti juaj?
Omarov: Në këtë temë nuk kam informacione por mendoj që nuk ka nevojë t’i bashkëngjiten luftës.
Klan Kosova: A ka shumë shqiptarë në Ukrainë?
Omarov: Po, viteve të fundit kanë ardhur shumë shqiptarë në Ukrainë, diku rreth 2000 si qytetarë me nënshtetësi, kanë kaluar shumë vite që shqiptarët janë shpërngulur në Ukrainë, tani shqiptarët janë qytetarë të këtij vendi.
Klan Kosova: Çfarë masa janë marrë në Ukrainë, a dihet çka do të ndodhë me popullatën, çka thonë institucionet?
Omarov: Janë ndërmarrë masa, s’ka panik, po mundohen situatën ta mbajnë nën kontroll. Puna po vazhdon normalisht. Sa u përket bankave, për momentin janë stabile, dyqanet janë të hapur. Ata që po punojnë më së shumti në këto momente janë qeveria, ambasadat si dhe diplomatët.
Klan Kosova: Si e shihni rolin e Amerikës në këtë situatë, a po vepron në mënyrën më të mirë?
Omarov: Normalisht, roli i Amerikës dhe rëndësia dihet globalisht, thjesht nuk diskutohet. Amerika është partner strategjik i Ukrainës dhe deri me tash është Amerika ajo që po i futet më thellë situatës. Me një fjalë, krejt shpresat janë të presidenti Biden, për pjesën ekonomike si dhe të armatimit.
Me këtë po shpresojmë që i bashkëngjitet edhe Evropa e bashkë të bëjnë atë që nevojitet.
