Koreja e Veriut ka lëshuar të paktën gjashtë raketa me rreze të shkurtër veprimi në atë që mund të jetë një prelud i stërvitjeve ushtarake javë të tëra në të dy anët e zonës së demilitarizuar që ndan dy Koretë, shkruan Klix, përcjell Fol Drejt.
Fotografitë e publikuara sot nga media shtetërore tregojnë stërvitjen, e cila u zhvillua të enjten pasdite, dhe përfshin liderin e Koresë së Veriut Kim Jong-un, i cili mbikëqyri aktivitetet e njësisë së artilerisë Hwasong.
Raketat e lëshuara ranë në Detin e Verdhë dhe jo shumë kohë më pas, ushtria e Koresë së Jugut njoftoi se raketa balistike me rreze të shkurtër veprimi ishin lëshuar nga rajoni Nampo në perëndim të Koresë së Veriut.
Ka 28,000 trupa amerikane në Korenë e Jugut, ku Forcat Ajrore të ShBA përdorin dy fusha të mëdha ajrore në Osan dhe Kunsan në bregun e Detit të Verdhë.
Kim u tha njësive të artilerisë që të ishin gati për dy misione, për t’u mbrojtur nga lufta dhe për të filluar luftën. Ai shtoi se ushtrimet më intensive duhet të jenë simulim i një lufte të vërtetë.
Në shoqërinë e Kim ishte edhe vajza e tij Ju Ae, e cila së fundmi u shfaq në eventet e mëdha të mbajtura në Korenë e Veriut.
Koreja e Jugut dhe forcat e OKB-së do të zhvillojnë stërvitjen “Mburoja e Lirisë”, e cila do të zgjasë 11 ditë, ndërsa forcat amerikane dhe koreano-jugore kryejnë stërvitje të rregullta ndërkohë. /FolDrejt/
