Koreja e Veriut ka miratuar një ligj që e deklaron veten si një shtet me armë bërthamore, sipas agjencisë shtetërore të lajmeve KCNA. Udhëheqësi i vendit Kim Jong-un e quajti vendimin të rëndësishëm dhe përjashtoi mundësinë e çdo bisedimi për denuklearizimin.
Ligji parashikon gjithashtu të drejtën e vendit për të nisur një sulm bërthamor për të mbrojtur vendin. Pavarësisht sanksioneve, Pheniani ka kryer gjashtë teste bërthamore midis 2006 dhe 2017.
Ajo ka vazhduar të avancojë aftësitë e saj ushtarake, duke shkelur rezolutat e Këshillit të Sigurimit të Kombeve të Bashkuara për të kërcënuar fqinjët e saj dhe potencialisht edhe për të futur territorin e SHBA-së brenda rrezes së goditjes.
Kim kreu lëshime me rreze të gjatë dhe teste bërthamore në vitin 2019, pas dy samiteve mbresëlënëse, por jo përfundimtare me presidentin e atëhershëm të SHBA, Donald Trump.
Por bisedimet midis vendeve kanë ngecur që atëherë. Megjithëse administrata e Biden ka treguar se është e gatshme të bisedojë me Phenianin, ajo nuk ka thënë nëse Presidenti Joe Biden do të takohet me Kim./abcnews.al/
