Mes valëve të të nxehtit, korriku është “praktikisht i sigurt” se do të jetë muaji më i ngrohtë i regjistruar në botë, thonë shkencëtarët, shkruan BBC, transmeton Fol Drejt.
Kaq i nxehtë ka qenë muaji deri më sot, sa studiuesit janë të bindur se rekordi i vitit 2019 do të thyhet, edhe pse kanë mbetur disa ditë.
Disa ekspertë besojnë se korriku mund të jetë muaji më i ngrohtë në 120,000 vitet e fundit.
Shkencëtarët pajtohen se nxehtësia shtesë lidhet kryesisht me përdorimin e karburanteve fosile.
Studiuesit nuk janë të befasuar që korriku është vendosur të thyejë rekordin aktual për muajin më të ngrohtë pasi ka pasur shumë indikacione në javët e fundit se bota po sheh nivele shumë më të larta të ngrohjes.
Dita më e ngrohtë në botë ndodhi më 6 korrik dhe 23 ditët më të nxehta të regjistruara ndonjëherë ishin të gjitha këtë muaj, sipas Shërbimit të Ndryshimeve Klimatike Copernicus./FolDrejt/
