Kryetari i një kompanie të madhe të qumështit të Koresë së Jugut dha dorëheqjen të martën pasi policia nisi një hetim mbi pohimin e kompanisë se pija e saj e kosit ishte e efektshme në luftimin e koronavirusit.
Dorëheqja e Kryetarit të Namyang Dairy Product Co Ltd, Hong Won-sik erdhi tre javë pas deklaratave që shkaktuan bujë. Shkarkimi i shefit të ekzekutivit bëri pak për të qetësuar reagimin e konsumatorit.
“Unë do të jap dorëheqjen nga pozicioni i kryetarit të Namyang Dairy për të marrë përgjegjësinë për të gjitha këto dhe nuk do t’ua kaloj administrimin fëmijëve të mi,” tha Hong në një falje publike në televizion.
Hong dhe anëtarët e familjes së tij kanë një pjesë të kombinuar prej 53.1% të firmës së qumështit e treta në Korenë e Jugut për nga të ardhurat. Policia e Seulit javën e kaluar bastisi selinë e kompanisë.
Kompania pretendoi në një forum të ndjekur nga gazetarët muajin e kaluar se pija e saj e kosit “Bulgaris” ishte e efektshme në parandalimin e COVID-19, duke rritur gati 30% shitjet.
Ministria e Koresë së Jugut e Sigurisë së Ushqimit dhe Barnave më pas lëshoi një deklaratë duke thënë se Namyang nuk kishte prova për të mbështetur pretendimin e saj dhe akuzoi kompaninë për përhapjen e paligjshme të informacionit të rremë.
Aksionet e Bulmetit Namyang u rritën 16.3% përkundrejt rënies më të gjerë të kompanisë konkurrente
