Autoritetet e Kosovës kanë filluar zbatimin e pikave, nëpërmjet të cilave synohet deeskalimi i situatës në veri të vendit, shkruan Fol Drjet.
Nga Policia e Kosovës është bërë e ditur se janë tërhequr 25% të zyrtarëve policorë, nga objektet komunale në komunat veriore.
Ky vendim erdhi pas koordinimit të Kosovës me Bashkimin Evropian, përkatësisht pas takimit të së martës në Bratisllavë, për tejkalimin e ngërçit të krijuar, pas trazirave në veri.
Vetë Kryeministri Albin Kurti mbrëmë në Twitter shtjelloi marrëveshjen, duke i publikuar edhe pikat e dakorduara ndërmjet Qeverisë së Kosovës dhe BE-së:
“Qeveria jonë ka arritur një marrëveshje me BE-në për hapat e ardhshëm për de-përshkallëzimin në veri dhe normalizimin e marrëdhënieve me Serbinë. Kjo tregon gatishmërinë tonë për të ndërmarrë hapa konkretë për të garantuar paqen, sigurinë dhe stabilitetin në Kosovë dhe rajon, në shërbim të demokracisë dhe sundimit të ligjit.”
Our govt has reached an agreement w/ 🇪🇺 on next steps for de-escalation in the north & normalization of relations w/ Serbia. This shows our willingness to take concrete steps to ensure peace, security & stability in Kosova & the region, in the service of democracy & rule of law. pic.twitter.com/ZLKQtcHkTd
— Albin Kurti (@albinkurti) July 12, 2023
Tensionet shpërthyen nga fundi i majit, kur kryetarët shqiptarë hynë në ndërtesat komunale në veri, me ndihmën e Policisë së Kosovës./FolDrejt/
