Kosova është mposhtur në “Fadil Vokrri” me rezultat 1-2 në ndeshjen e xhiros së dytë të Ligës së Kombeve.
“Dardanët” me shumë mungesa nuk ia dolën ndaj helenëve që më shumë fituan falë gabimeve të lojtarëve tanë.
Grekët kaluan në epërsi që në minutën e dytë të ndeshjes me golin e shënuar nga Limnios, shkruan Indeksonline.
Në pjesën e parë kishte disa raste të Kosovës por që nuk arritën të realizojnë.
Golin e dytë Greqia e shënoi në minutën e 51-të me anë të Siovas. Ai realizoi pas një pakujdesie të madhe në mbrojtjen e Kosovës.
Tri zëvendësimet e Challandes ndryshuan lojën duke i dhënë më shumë freski mesfushës dhe sulmit.
Golin e vetëm Kosova e gjeti në minutën e 82-të me një super roveshatë nga Bernard Berisha.
Kosova pati edhe disa raste por nuk arriti të gjej golin e barazimit.
Me këtë humbje, Kosova mbetet me një pikë në grupin 3 të ligës C derisa Greqia dhe Slovenia kanë nga katër pikë.
