Mateo Kovacic ka pranuar se pret të largohet nga Chelsea në verë me Manchester City që po ndjek shërbimet e tij, raporton Goal, përcjell Fol Drejt.
“Kam edhe një vit me Chelsean, ky sezon ishte shumë i keq. Gjithçka po shkon drejt faktit që pas 5 vitesh të mira do të ndryshoj, por në futboll gjithçka mund të ndodhë. Tani për tani jam i fokusuar te Kroacia dhe Liga e Kombeve”, ka thënë ai për revistën kroate Nacional.
“Manchester City është një skuadër e madhe dhe e meriton të jetë në finalen e Ligës së Kampionëve. Kjo është ajo që duhet të them. Vera është e gjatë, do të shohim se çfarë do të ndodhë. Chelsea është fenomenal për mua. Unë e dua qytetin dhe tifozët, ata më duan mua, kam kujtime të mrekullueshme nga Chelsea. Do të shohim se çfarë do të ndodhë”, shtoi ai. /FolDrejt/
