I pari i PDK-së, Memli Krasniqi, përmes një postimi në facebook, ka shprehur përkrahjen ndaj kategorisë së personave të verbër dhe me të pamur të dëmtuar.
Ai, me rastin e shënimit të Javës së Njeriut me Shkop të Bardhë, ka kërkuar rritjen e vëmendjes dhe përkujdesjes institucionale për personat e verbër dhe me të pamur të dëmtuar, transmeton Fol Drejt.
Sipas tij, edhe kjo kategori e shoqërisë sonë duhet të gëzojë të drejta dhe mundësi të plota si të gjithë qytetarët e Kosovës.
“Gjatë qeverisjes së Partisë Demokratike të Kosovës, në vitin 2012 është miratuar Ligji për Personat e Verbër, duke nisur kështu edhe punësimi i tyre nëpër institucione.
Ne do të vazhdojmë të avokojmë për kushte më të mira për këtë kategori të shoqërisë, edhe nga pozicioni opozitar, por edhe përmes ofrimit të ndihmës konkrete në nivel lokal, në komunat ku qeverisim.” – ka shtuar ai./FolDrejt/
