Nënkryetari i PSD-së, Frashër Krasniqi, ka reaguar pas postimit të kryeministrit të Kosovës, Albin Kurti, lidhur me arrestimin e aktivistëve të VV-së në 2016-tën dhe rastin e Astrit Deharit, duke i thënë kryeministrit se nuk ka të drejtë të flasë për këtë rast, transmeton Fol Drejt.
Me anë të një postimi në facebook, Krasniqi i është drejtuar kryeministrit Kurti duke i thënë se nuk e ka përmendur arrestimin e aktivistëve deri kur ka ardhur fushata zgjedhore, e njëjtë edhe me rastin e Astrit Deharit, duke pretenduar se nuk e ka përmendur as Deharin deri kur ai vdiq në burg.
“Ti s’ke folë për arrestimin tonë, deri kur ka ardhë fushata zgjedhore – sepse veç atëherë ke pa mundësi me e instrumentalizu këtë rast.
Dy muaj prej arrestimit nuk na ke vizitu në arrest e në burg. Deri kur erdhi fushata dhe pe vota nga rasti ynë”, shkruan Krasniqi në facebook.
“Ti s’e ke përmend arrestimin e padrejtë të Astrit Deharin deri kur ai vdiq në burg. 2 muaj pas arrestimit. Fole për vdekjen e tij veç pasi t’u bë e përdorshme elektoralisht.
Ti je përgjegjës për mossbardhjen e vdekjes së tij, tash e 2 vite prej që je n’pushtet.
Ti s’ke shkrujtë asnjëherë postim për rastin kundër nesh. Sot po shkruan sepse ki interes me e përdorë hala.
Ti s’ke të drejtë me folë sot për këtë rast!”, shton tutje Krasniqi./FolDrejt/