Kreu i PDK-së, Memli Krasniqi, ka pritut në selinë e partisë që drejton shefin e Zyrës së BE-së në Kosovë, Ambasadorin Tomas Szunyog, transmeton Fol Drejt.
Siç njoftoi Krasniqi, në takim u diskutua për zhvillimet e fundit politike në vend.
Këtu, Krasniqi kritikoi qeverinë aktuale të vendit lidhur me raportet me vendet mike të Kosovës.
“Sot, kisha kënaqësinë ta pres në selinë e PDK-së shefin e Zyrës së BE-së në Kosovë, Ambasadorin Tomas Szunyog, me të cilin diskutuam për zhvillimet e fundit politike në vend.
Ambasadorit Szunyog i shpreha qëndrimin konsistent të PDK-së se integrimi euro-atlantik për Kosovën është i paalternativë dhe nuk guxon të rrezikohet nga askush. Ky është vizioni e misioni historik i shtetit dhe popullit tonë.”, u shpreh Krasniqi.
“Qasja e kësaj Qeverie, përjashtuese me miq dhe koordinuese me kriminelë, për PDK-në është tërësisht e papranueshme dhe po i sjellë vetëm dëme vendit. Vetëm zgjedhjet e parakohshme mund t’ia sjellin Kosovës një Qeveri kredibile, ndryshe, dhe e cila rikthen vendin në kursin e duhur përpara.
Ambasadorin Szunyog e falënderova për angazhimin e tij dhe e sigurova se PDK do të angazhohet fuqishëm që përmes të gjitha mjeteve demokratike, të luaj rolin e saj konstruktiv në interes të shtetit dhe qytetarëve tanë.”, shtoi Krasniqi tutje./FolDrejt/
