“Trupat tona arritën në kufirin administrativ të rajonit Mykolaiv pranë vendbanimit Oleksandirvka në drejtimet Kherson dhe Mykolaiv. Vendbanimi Blagodatnoye u çlirua”, tha ministri rus i Mbrojtjes, Shoigu.
Ministri i Mbrojtjes i Rusisë, Sergej Shoigu tha se njësitë ushtarake ruse pushtuan vendbanimin ukrainas Blagodatnoye, shkruan AA, transmeton Fol Drejt.
Gjatë takimit me zyrtarë ushtarakë, Shoigu tha se forcat ruse morën kontrollin e “nyjës së madhe” që i përkiste Forcave të Armatosura të Ukrainës në vendbanimin Pisky në dy javët e fundit. “Ushtria ukrainase gjatë tërheqjes la një numër të madh armësh dhe ushtarë të plagosur. Mjekët e ushtrisë ruse kanë ofruar ndihmë mjekësore për të gjithë ushtarët e plagosur”, tha ai.
“Trupat tona arritën në kufirin administrativ të rajonit Mykolaiv pranë vendbanimit Oleksandirvka në drejtimet Kherson dhe Mykolaiv. Vendbanimi Blagodatnoye u çlirua”, tha Shoigu.
Duke thënë se ushtria ukrainase ka vazhduar të sulmojë në Mykolayiv, Krivorijskiy dhe drejtime të tjera dhe ka shkaktuar “humbje serioze”, Shoigu theksoi se sulmet në fjalë ishin planifikuar nga Zyra e Presidentit të Ukrainës.
Sulmet në termocentralin bërthamor Zaporozhzhia
Ministri Shoigu tha se delegacioni i Agjencisë Ndërkombëtare të Energjisë Atomike (IAEA) vizitoi termocentralin bërthamor të Zaporozhzhias. “Forcat ukrainase vazhdojnë sulmet e tyre në infrastrukturën e centralit me armë perëndimore. Që nga 18 korriku janë regjistruar 29 sulme. U hodhën 120 topa. U përdorën 15 avionë pa pilot”, potencoi ai.
Duke deklaruar se nuk kanë armë të rënda në termocentralin në fjalë, Shoigu tha se “Kievi po paraqet një kërcënim katastrofash bërthamore në Evropë duke kryer sulme ndaj strukturave të termocentralit. Sipas ligjit ndërkombëtar ky është terrorizëm bërthamor. SHBA-ja dhe Bashkimi Evropian (BE) nuk flasin qëllimisht për situatën me termocentralin dhe inkurajojnë veprime të tilla të pamatura”.
Shoigu tha se po bëjnë çmos për të garantuar sigurinë e termocentralit. Ai theksoi se qeveria e Kievit do të mbajë përgjegjësi për çdo emergjencë të mundshme në termocentral.
“Rreth 3.000 luftëtarë mercenarë të huaj u vranë në Ukrainë”
Shoigu deklaroi se ushtria ruse vazhdon sulmet ndaj elementëve ushtarakë në Ukrainë. “Në muajin e fundit u goditën 174 shtabe, 601 armë të rënda dhe sisteme artilerie. Janë rrëzuar 19 avionë, 6 helikopterë dhe 188 mjete ajrore pa pilot, u sekuestruan 226 raketahedhëse me shumë tyta HIMARS”, tha ai.
Ministri rus tha se numri i luftëtarëve mercenarë të huaj në Ukrainë është ulur për tri herë që nga fillimi i luftës. Shoigu pretendon se janë neutralizuar rreth 3.000 luftëtarë mercenarë të huaj.
Ai thekson se ata do të vazhdojnë të avancojnë në rajonin e Donbasit dhe do të krijojnë kushte që do të garantojnë sigurinë e Rusisë./FolDrejt/
