Kremlini thotë se sistemet e mbrojtjes raketore amerikane “Patriot” do të ishin një objektiv legjitim për sulmet ruse kundër Ukrainës, nëse Shtetet e Bashkuara autorizojnë që ato të dorëzohen për të mbështetur Kievin, shkruan Al Jazeera, përcjell Fol Drejt.
Uashingtoni po finalizon planet për të dërguar sistemin e mbrojtjes raketore “Patriot” në Ukrainë, një vendim që mund të shpallet brenda kësaj jave.
Zëdhënësi i Kremlinit, Dmitry Peskov, tha se sistemet “Patriot” do të ishin “definitivisht” një objektiv për Rusinë, por se ai nuk do të komentonte raportet e pakonfirmuara të mediave.
“Patriot” konsiderohet si një nga sistemet më të avancuara të mbrojtjes ajrore amerikane, duke përfshirë avionët, raketat e lundrimit dhe raketat balistike. /FolDrejt/
