Kreu i agjencisë gjermane të inteligjencës, Thomas Haldenwang, paralajmëroi sot për rritjen e ekstremizmit antiqeveritar, i cili ushqehet nga shtete autoritare si Rusia, që kërkojnë të shkaktojnë përçarje në shoqëri dhe të rrëzojnë qeverinë.
Sipas tij, agjencitë gjermane të sigurisë kanë prishur disa komplote gjatë viteve të fundit nga grupe të vogla të lidhura me lëvizjet e akuzuara për planifikimin e sulmeve në zyrtarë qeveritarë dhe madje edhe parlamentin kombëtar, raporton AP.
Megjithëse mbetet e paqartë se në cilën fazë të zbatimit janë ato plane, autoritetet janë të shqetësuara se komplotistët e dyshuar kanë marrë armë dhe kanë përfshirë në aktivitetet e tyre njerëz si gjyqtarë dhe oficerë policie që zakonisht nuk janë në radarët e shërbimeve të sigurisë, transmeton Fol Drejt.
