Pas Austrisë duket se edhe Gjermania është futur në një krizë të papritur politike, informon foldrejt.com. Pas rezultateve të dobta të partisë së majtë SPD në zgjedhjet e përgjithshme europiane, shefja e saj Andreas Nahles ka dhënë dorëheqje.
Shumë media gjermane thonë se tashmë vendoset në rrezik edhe qeveria, pasi SPD është pjesë e qeverisë dhe se me daljen e saj nga qeveria vendi mund të shkojë në zgjedhje të jashtëzakonshme. Kjo do të thotë se kancelarja Angela Merkel do i jap fund karrierës së saj politike.
Shefja e partisë CDU, Annegret Kramp-Karrenbauer, pas dorëheqjes së koleges së saj Nahles ka theksuar se “kjo nuk është ora e duhur për taktika politike”. Megjithatë shumë bashkëpartiakë të saj, si Harald Christ, kanë theksuar se me dorëheqjen e Nahles, “stabiliteti i qeverisë gjermane është në pikëpyetje”.
Thuajse të gjithë partitë e majta europiane, po kalojnë në një krizë, pasi votat e tyre janë derdhur nëpër partitë e tjera të qendrës, Të Gjelbërve dhe popullistëve. Andaj, Bashkimi Europian duket se po kalon një ‘tranzicion’ të lehtë nga partitë tradicionale të majtë, në shtete mbipolare dhe dallime të mëdha mes partive parlamentare./Foldrejt.com
