Sekretare e përgjithshme e Këshillit të Europës nga 18 shtatori 2019 do jetë ministrja e jashtme kroate, Marija Pejçinoviq Buriq, e cila është lindur në Mostar dhe është pjesë e partisë së djathtë kroate HDZ, informon foldrejt.com.
Marija Pejçinoviq Buriq fitoi 159 vota, një shumicë absolute, ndërsa ministri i jashtëm belg Didier Reynders mori 105 vota. Në total, ka pasur 264 vota të hedhura.
“Ne kemi nevojë për më shumë dialog mes shteteve anëtare me Këshillin e Europës. Pra, me të vërtetë dëshiroj dhe shpresoj që përkrahja juaj, që gjatë mandatit tim, do të punojmë së bashku në qëllimet themelore të kësaj organizate, që është paqe dhe prosperitet për të gjithë qytetarët evropianë”, tha Pejçinoviq Buriq.
Marija Pejçinoviq Buriq aktualisht është zëvendëskryeministre dhe ministre e Punëve të Jashtme dhe Evropiane të Republikës së Kroacisë që prej datës 19 qershor 2017. Më parë ajo ishte sekretare e Shtetit në Ministrinë e Punëve të Jashtme dhe Evropiane të Kroacisë (20016-2017), e edhe më herët ajo punoi si një konsulente private dhe ishte anëtar i HDZ në Parlamentin e Kroacisë (2008-2011). Buriq është kundër ndarjes së Kosovës.
Gjatë mandatatit të saj në Këshillin e Europës ajo do jetë përgjegjëse për shpërndarjen e rreth 500 milion dollarëve në 2019.
