Kompania Rajonale e Ujësjellësit “Prishtina”, ka njoftuar se nesër do të ketë disa intervenime teknike në kryeqytet.
Nëpërmjet një kumtese, KRU “Prishtina”, bëri të ditur se nesër do të realizohen punime teknike në ndërrimin e gypit “AC fi 200” në rrugën “Tirana” në Prishtinë duke filluar nga ora 09:00-16:00, përcjell Fol Drejt.
Më tej bëhet e ditur se realizimi i punimeve teknike ka për fokus përmirësimin e furnizimit me ujë të pijshëm dhe zvogëlimin e humbjeve teknike të ujit.
“Gjatë kësaj periudhe kohore, pa furnizim me ujë mbesin këto zona shërbimi:rruga e “Tiranës”, lagjja Arbëria pjesa nga hekurudha deri tek rruga “Ahmet Krasniqi”, Komuna e Re, rruga “Bashkim Fehmiu”, rruga “Vicianum”, rruga “Nora e Hotit”, Stadiumi i Prishtinës me lokale përreth tij”, thuhet në njoftim./FolDrejt/
