Kryeministri i Kosovës, Albin Kurti, ka numëruar 22 vendimet që ka marrë sot Qeveria e tij në mbledhjen e 140-të me radhë, transmeton Fol Drejt.
“Në prag të shënimit të Ditës së Personave të zhdukur me dhunë gjatë luftës në Kosovës, iniciuam aderimin e Republikës së Kosovës në Komisionin Ndërkombëtar për Personat e Zhdukur (ICMP).
Ndamë 600 mijë euro për financimin e monitorimit elektronik. Një mënyrë efektive e trajtimit të rasteve penale, e në veçanti e mbrojtjes së viktimave të dhunës në familje.
Me qëllim tejkalimin e krizës energjetike ndamë 9 milionë euro.
Për zbatimin e masave të efiçiencës së energjisë ndamë 10 milionë euro.”, ka numëruar kryeministri.
Tutje, Kurti, ndër tjerash, ka përmendur mbështetjen ndaj komuniteteve jo shumicë, mbështetjen ndaj mërgatës, projektin për përmirësimin e sistemit të qeverisjes digjitale.
“Në mbështetje të punësimit të personave nga komunitetet jo shumicë ndamë 3 milionë euro.
Për mbështetje të mërgatës, të punësimit të grave dhe likuiditetit familjar ndamë 243 mijë euro.
Aprovuam ndryshimin e publikimit të akteve nënligjore, për të lehtësuar qasjen e personave të verbër në Gazetën Zyrtare.
Emëruam Bordin Drejtues të Shërbimit Spitalor Klinik Universitar të Kosovës.
Ndamë 15 mijë euro për organizimin e Forumit Ekonomik të Vjenës në Prishtinë.
Miratuam nismën për marrëveshjen plotësuese për “Programin e Ujërave të Zeza të Kosovës II” me vlerë të grantit prej 13.2 milionë euro.
Ndamë 157 mijë euro për projektin me Bankën Botërore për përmirësimin e sistemit të qeverisjes digjitale.”, ka shtuar tutje Kurti./FolDrejt/
