India vendosi një rekord të ri global të numrit më të madh të infeksioneve COVID-19 në një ditë.
Kryeministri Narendra Modi të Dielën u bëri thirrje të gjithë qytetarëve të vaksinohen dhe të bëjnë kujdes, duke thënë se “stuhia” e infeksioneve ka tronditur vendin.
Shtetet e Bashkuara thanë se ishin thellësisht të shqetësuar nga mbingarkesa masive e rasteve të koronavirusit në Indi dhe po mundohen për të dërguar ndihma në Indi.
Numri i rasteve të Indisë u rrit me 349,691 në 24 orët e kaluara, dita e katërt me radhë e kulmeve rekord.
Spitalet dhe mjekët kanë dhënë njoftime urgjente se ata nuk ishin në gjendje të përballen me nxitimin e pacientëve.
“Çdo ditë, është e njëjta situatë, ne kemi mbetur me dy orë oksigjen, ne marrim vetëm sigurime nga autoritetet,” tha një mjek në televizion.
Numri total i infeksioneve në Indi qëndron në 16,96 milion dhe vdekjet 192,311 pasi 2,767 më shumë vdiqën brenda natës, treguan të dhënat e ministrisë së shëndetësisë. /FolDrejt/
