Përveç probleme të BE rreth politikave të zgjerimit, vërtet duket se brenda tyre ka edhe probleme tjera të shumta. Kohëve të fundit është shtuar tensioni mes Brukselit dhe dy shteteve tjera anëtare: Hungarisë dhe Polonisë; pikërisht dy vendeve që më së shumti dëshironin Europën në fillim të viteve 90-ta, për të shmangur rusët komunsitë, informon foldrejt.com.
Por ndarja “jo e barabartë e buxhetit”, reformat rreth komunitetit LGBT, abortit dhe tema tjera vërtet po përçajnë BE.
Së fundi, Hungaria dhe Polonia bllokuan ndarjen e 750 miliardë eurobonde pas krizës financiare të shkaktuar si pasojë e Covid19. Por sipas informacioneve të Frankfurter Allgeimeine Zeitung, Brukseli po sheh metoda të vetat për të çuar në zbatim ligjin edhe pa miratimin e dy shteteve të saj. Me këtë, “Polonia mund të humbas 23.1 miliardë euro, kurse Hungaria plot 6.2 miliardë euro.” Këto para do shpërndahen në periudhë 2021-2027.
“Shihet mundësia që defakto dhe dejure të largohen nga ky proces Hungaria dhe Polonia,” shkruan media gjermane, përcjell foldrejt.com.
Gjermania i merr mbrapsht paratë polake
“Për çfarë vlera udhëheq Komisioni i BE dhe Parlamenti i saj, i cili, anashkalon Traktat Europiane dhe i zëvendëson ligjet gjermane me ato të Unionit,” tha kryeministri polak, Mateusz Moraviecki, i cili e paraqet BE-në si një “martesë në krizë”.
Me fjalë tjera, “nga një euro që BE duhet të jep për Poloninë, 75 cent shkojnë në konto gjermane, kurse 25 cent mbesin përsëri në Poloni,” tha figurativisht kryeministri konservator Moraviecki, i cili dikur udhëheqte me Solidarnost për bashkimin e vendit të tij me Europën, kurse sot ka shumë kritika ndaj saj. “Europa po na kujton kohën e Komitetit Qendror të sovjetikëve, që gjëja fliste për barabarësi mes “partnerëve”, por në fakt çoi në varësi totale.”
Ai nuk dëshiron ta përdorë fjalë “luftë kulturore”, por në fakt pranon se BE duhet të pranojë dallimet dhe të respektojë shumësinë e kulturave brenda saj, pasi polakët s’janë të njëjtë si gjermanët dhe as gjermanët të njëjtë si spanjollët.
“Sot ndokush në Bruksel nuk pëlqen qeverinë polake dhe e prangos atë. Kurse nesër kjo mund të ishte edhe me Italinë dhe Portugalinë, por askush nuk do merrte masa kundrejt këtyre dy shteteve,” tha më tutje kryeministri Moraviecki, duke shtuar që aleatët e tij europianë kanë shumë pak respekt për historinë e saj.
Edhe ish kryetari liberal i Varshavës, Pavel Piskorski, akuzon vendimet e BE, se është një mekanizëm për centralizimin e forcës në Bruksel. Gjithashtu zërat polakë janë shtuar se Europa nuk është më ajo e 1989. Ajo ka humbur kompasin dhe është zhytur në krizë.
Në fund Piskorski, që mbështeste fuqishëm Donald Trump, thotë se edhe me presidentin e ri amerikan, Joe Biden, do ketë marrëdhënie të mira, pasi Polonia dhe SHBA kanë histori të gjatë bashkëpunimi që nuk mund të prishet nga një person./Foldrejt.com
