Kryeministri i Shqipërisë, Edi Rama, ka folur sot për incidentin e ndodhur në Gramsh, ku dy shtetas rusë dhe një ukrainas tentuan të futen në Uzinën e Armëve.
Rama tha se uzinat janë mbetje të komunizmit dhe se nuk kanë më rëndësinë që kishin, por shtoi se mbetet shqetësues qëllimi i personave të arrestuar, njofton Klan Kosova.
“Të bësh spiunazh duke fotografuar ato mbetje arkeologjike të komunizmit është qesharake. Ajo që duhet të na shqetësojë ne, këta persona çfarë qëllimesh kanë. Sepse më falni, por një mision spiunazhi që shfaqet me një veturë që duket sikur thërret aman më shihni më kapni se jam e veçantë”.
Këto komente Edi Rama i bëri gjatë një konference të përbashkët me kryeministrin e Luksemburgut, Xavier Bettel.
