Sot (8 nëntor), ka rreth 14.6 miliardë metra kub gaz në depot e Ukrainës, sipas kryeministrit Denys Shmyhal, shkruan The Kyiv Independent, përcjell Fol Drejt.
Moti relativisht i ngrohtë dhe kursimet e burimeve të energjisë i lejojnë autoritetet të shtojnë më shumë gaz në depo sesa të tërheqin, tha ai.
Ukraina gjithashtu ka 1.5 milion ton qymyr të ruajtur në magazinat e termocentraleve, që është pothuajse dyfishi i kërkuar, shtoi Shmyhal.
Presidenti Volodymyr Zelensky tha më 1 nëntor se sulmet ruse me raketa dhe drone kishin shkatërruar deri në 40% të sistemit energjetik të Ukrainës. Rusia ka zhvilluar një fushatë që synon infrastrukturën kritike të Ukrainës që nga fillimi i tetorit.
Moska thotë hapur se sulmi ndaj objekteve energjetike në Ukrainë është një nga qëllimet e saj. Synimi i infrastrukturës jetike publike është një krim lufte, sipas Konventës së Gjenevës. /FolDrejt/
