Kryeministrja franceze Elisabeth Borne i “mbijetoi” mocionit të mosbesimit të paraqitur kundër saj nga një aleancë e gjerë kundërshtarësh të krahut të majtë.
Një numërim zyrtar i votave të hënën tregoi se 146 ligjvënës votuan në mbështetje të mocionit.
Mocioni kërkonte një shumicë absolute prej 289 votash për të përshpejtuar rënien e qeverisë.
Aleanca NUPES, e njohur gjithashtu si Unioni i Ri Popullor Ekologjik dhe Social, përbëhet nga 151 deputetë.
Pesë prej tyre zgjodhën të mos votonin për mocionin e mosbesimit, diçka që mund të interpretohej si një shenjë pozitive nga Borne dhe qeveria e saj.
“Zonja dhe zotërinj, sot ne mund të punojmë për të mirën e popullit francez. Në vend të kësaj, ne po debatojmë një votë mosbesimi që bazohet në synimet e mia të pretenduara dhe që pengon punën e parlamentit dhe për rrjedhojë dëshirën e popullit francez parlamentit përpara votimit”, ka thënë ajo./21Media
