Pas mbledhjes së sotme të Kryesisë, Partia Demokratike e Kosovës ka propozuar debat parlamentar rreth grevave.
Kështu ka bërë të ditur shefi i grupit parlamentar të kësaj partie, Abelard Tahiri.
“Kjo është java e tretë që do të duhej të fillonte mësimi dhe si rezultat i një kryeneçësie i një kryeministri dhe nga qeveria, pra mungesë të një dialogu social me sindikatat, kemi ardh në një situatë ku greva po vazhdon dhe ata që po humbin janë fëmijët tanë. Kjo kryeneçësi po i bën dëm të madh arsimit dhe nxënësve në vendin tonë. Shpresojmë që deri të enjten të gjendet një zgjidhje dhe të kthehen mësimdhënësit në punën e tyre, nxënësit në banka shkollore dhe të fillojë mësimi”, tha Tahiri./FolDrejt/
